वीरगन्ज, १५ जेष्ठ : नेपाली कांग्रेसका केन्द्रिय सदस्य एंव पर्सा क्षेत्र नम्बर २ का प्रतिनिधीसभा सदस्य (सांसद) अजय चौरासियाले वीरगन्जको सिर्सिया नदीलाई प्रदुषण र अतिक्रमणमुक्त बनाउन माग गर्दै काठमाडौंमा जारी आन्दोलनमा ऐक्यबद्धता जनाएका छन् ।
सिर्सिया नदीलाई प्रदुषण र अतिक्रमणमुक्त बनाउनका लागि सरकारलाई दबाब दिन काठमाडौंको माइतीघर मण्डलमा चुरे तथा वनजंगल संरक्षण अभियानले आइतबारदेखि सुरु गरेको धर्नामा सहभागी हुदैं सांसद चौरसियाले ऐक्यबद्धता जनाएका हुन् ।
सिर्सिया नदीलाई प्रदुषण र अतिक्रमणमुक्त बनाउनका लागि सरकारलाई दबाब दिन जेष्ठ ४ गतेदेखि वीरगन्जबाट पैदल हिडेर ११ औं दिनमा आइतबार काठमाडौं पुगेर धर्ना दिएका अभियन्ताहरुलाई धर्नास्थलमै भेटेर सांसद चौरसियालले सिर्सिया नदीको संरक्षणका लागि सदनमा आफुले सशक्त ढंगले आवाज उठाउने आश्वासन दिए । साथै यस विषयमा सरकारसँग पहल गर्ने प्रतिबद्धता पनि उनले जनाए ।