बारा,११बैशाख : बारा क्षेत्र नंवर २ मा जनता समाजवादी पार्टीका अध्यक्ष उपेन्द्र यादवले अग्रता बढाउँदै लगेका छन्। जारी मतगणनाकाे राति १० बजे प्राप्त पछिल्लो नतिजा अनुसार उनले ३ हजार ३ सय ४५ मतसहित अग्रता बढाएका हुन्।
उनलाई जनमत पार्टीका शिवचन्द्र कुश्वाहा पछ्याइरहेका छन्। उनले २ हजार ८ सय ३६ मत ल्याएर दोस्रो स्थानमा छन्।
त्यस्तै एमाले पुरुषोत्तम पौडेल १हजार ३ सय ५१ मतसहित तेस्रो, राष्ट्रिय स्वतन्त्र पार्टीका रमेश खरेल ६ सय ६१ मतसहित चौथौ र आम जनता पार्टीका अरुण ज्ञवाली २ सय ७८ मतसहित पाँचौं स्थानमा छन्।