Madhes Khabar
राजनीति हेडलाइन

बारा-२ मा जसपालाई सहयाेग गर्ने कांग्रेस सभापति देउवाकाे वचन

काठमाडौं ,११चैत :नेपाली कांग्रेसले आगामी वैशाख १० मा उपनिर्वाचन हुने बारा–२ मा जनता समाजवादी पार्टीलाई सहयोग गर्ने भएको छ ।

शनिबार बसेकाे कांग्रेसको पदाधिकारी बैठकमा सभापति शेरबहादुर देउवाले बारा–२ मा जसपालाई सहयोग गर्ने वचन दिइसकेको ब्रिफिङ गरेकाे कांग्रेसका एक पदाधिकारीले बताए ।

बारा–२ बाट प्रतिनिधिसभामा निर्वाचित रामसहाय प्रसाद यादव उपराष्ट्रपति निर्वाचित भएपछि त्यहाँ प्रतिनिधिसभा सदस्य पद रिक्त छ । यसअघि ४ मंसिरमा भएको निर्वाचनमा पनि बारा–२ मा कांग्रेसले आफ्नो उम्मेदवार उठाएको थिएन । माओवादी केन्द्रका शिवचन्द्र कुशवाहलाई समर्थन गरेको थियो ।उपनिर्वाचनमा जसपाले अध्यक्ष उपेन्द्र यादवलाई उम्मेदवार बनमउने चर्चा छ ।

उपनिर्वाचन हुने चितवन–२ र तनहुँ–१ मा भने कांग्रेसले सोमबार उम्मेदवार तय गर्ने एक पदाधिकारीले बताए । चितवन–२ मा यसअघि कांग्रेसका उमेश श्रेष्ठ राष्ट्रिय स्वतन्त्र पार्टीका रवि लामिछानेसँग पराजित भएका थिए भने तनहुँ–१ मा कांग्रेसबाटै रामचन्द्र पौडेल निर्वाचित भएका थिए ।साभार:अनलाइनखबर

Related posts

कक्षा-१२ काे परीक्षा बैशाख २६ देखि

MadhesKhabar

मेयर सिंहको समर्थनमा वीरगन्जबासी उत्रिए सडकमा

MadhesKhabar

सिर्सिया नदिलाई प्रदुषणमुक्त बनाउन वीरगन्जदेखि काठमाडौंसम्मको पदयात्रा सुरु

MadhesKhabar

Leave a Comment