सुर्खेत,८चैत : दैलेखमा बुधबार बिहान ग्याँस सिलिन्डर बोकेको ट्रक दुर्घटना हुँदा तीन जनाको मृत्यु भएको छ ।
नेपालगन्जबाट दैलेख जाँदै गरेको मनकामना ग्याँस बोकेको भे१क २२०१ नम्बरको ट्रक दैलेखकाे गुराँस गाउँपालिका-४ तालपोखरी नजिक दुर्घटना हुँदा तीन जनाको घटनास्थलमै मृत्यु भएको जिल्ला प्रहरी कार्यालय दैलेखले जनाएको छ ।
मृत्यु हुनेमा ट्रकका चालक ३१ वर्षीय कृष्ण चौधरी, ट्रकमा सवार २५ वर्षीय लक्षिराम चौधरी र २३ वर्षीय विष्णु चौधरी रहेको दैलेखका प्रहरी नायब उपरीक्षक किशोर लम्सालले जानकारी दिए ।
मृतकहरुको ठेगाना भने अहिलेसम्म खुल्न नसकेको प्रहरीले जनाएको छ ।