श्याम सर्राफ
पर्सा, २० जेठ
पर्सा प्रहरीले अवैध रूपमा भारततर्फ लगिरहेको ३०० कार्टुन कस्तुरी रक्सी सहित ट्याक्टर नियन्त्रणमा लिएको छ।
प्रहरीले सूचना परिचालन तथा प्रहरी कारवाहीको सिलसिलामा आज विहान ०१:०० बजेको समयमा जिल्ला पर्सा छिपहरमाई गा.पा.वडा नं.२ भिष्वा बञ्जारीबाट पक्राउ गरेको छ ।
अवैधरूपमा कस्तुरी रक्सी भारततर्फ लगिरहेको सूचना पाएपछी ईलाका प्रहरी कार्यालय पोखरियाबाट खटेको टोलीले प्रदेश २-०३-००१ थ ०००१ नम्बरको ट्याक्टर दशगजा क्षेत्रमा रोक्ने क्रममा चालक फरार भएको प्रहरीले जनाएको छ।
उक्त ट्याक्टरको तलासी लिंदा ट्याक्टरमा कस्तुरी मदिरा ३०० कार्टुन फेला परेको हुँदा सो ट्याक्टरलाई मदिरा सहित नियन्त्रणमा लिई रु.१०,६०,०००।– ( दश लाख साठ्ठी हजार ) मूल्याङ्कन गरी आवश्यक कारवाहीको लागि वीरगञ्ज भन्सार कार्यालयमा पठाइएको जिल्ला प्रहरी कार्यालय पर्साले जनाएको छ ।
साथै उल्लेखित ट्याक्टर धनी तथा चालकको तदारूकताका साथ खोजतलास भइरहेको व्यहोरा समेत जनाएको छ।