वीरगन्ज ,४ चैत : पर्साकाे ठाेरअं गाउँपालिका ३ ब्रम्हनगर घर भइ हाल जापान बस्दै आएका नेपाल- जापान एनआरएनका युवा संयोजक राकेश लामाले आफ्नो जन्मदिनको अवसरमा ठोरीको सिकारीबास पुलमा राष्ट्रिय झण्डा फहराएका छ्न् ।
जन्मदिनमा सामान्यतया फजुल खर्च गर्ने युवा जमात बढिरहंदा लामाले भने समाजसेवा गर्दै आफ्नो जन्मदिन मनाएका हुन् । राष्ट्रिय झण्डाका साथै उनले ठोरीका विद्यालयहरुलाई २५ थान पंखा सहयोग गरेका छ्न् ।
यसका साथै ठोरीको हुलाकी सडकमा पर्ने जंगलमा राख्नको लागि २५ वटा रोड लाइट समेत उनले सहयाेग गरेका छन् । त्यस्तै अत्याधिक सवारी दुर्घटना भइरहेको सिकारीबास पुल नजिकै “अति दुर्घटना ग्रस्त क्षेत्र” लेखिएको सन्देशमूलक बोर्ड समेत उनले निर्माण गरिदिएका छ्न् ।
सिकारीबास पुलमा शनिबार आयोजित कार्यक्रमा लामाका बुबा राजेश लामाले ठोरी गाउँपालिकाका अध्यक्ष लाल बहादुर श्रेष्ठलाई ती सामाग्री स्तान्तरण गरेका हुन् ।
हस्तान्तरण कार्यक्रममा बोल्दै गाउँपालिका अध्यक्ष श्रेष्ठले राकेश लामाबाट युवाहरूले धेरै कुरा सिक्नुपर्ने बताए । विदेशमा रहेर पनि आफ्नो जन्मभुमि प्रति राकेशले देखाएको माया र सहयोगलाई गाउँपालिकाले संधै सम्मान गर्दै अघि बढ्ने उनले बताए ।