वीरगन्ज ,३०पुस: हाम्रो नेपाली पार्टी (लौरो अभियान) ले मधेस प्रदेश कमिटी गठन गरेको छ ।
शनिबार सम्पन्न पार्टीको भेलाले प्राध्यापक डाक्टर विरन्श बैठाको संयोजकत्वमा २५ सदस्यीय कमिटी गठन गरेको हो ।
कमिटीको सह संयोजकमा वीरगन्जकी गुड्डि जोशीलाई चयन गरिएको छ ।
कार्यक्रममा पार्टीका केन्द्रीय अध्यक्ष ई. अनन्तराज घिमिरे, प्रवक्ता ई. रोहन कार्की, उपाध्यक्ष ई. अरुण रौनियार लगायतकाे सहभागीता थियाे।
कार्यक्रममा हालै सम्पन्न निर्वाचनको समीक्षा, भावी कार्यक्रमको योजना र संगठन विस्तार लगायतका विषयमा छलफल भएको सहसंयाेजक जाेशीले जानकारी दिइन् ।