वीरगन्ज ,०४ मंसिर : प्रतिनिधि सभा र प्रदेशसभा सदस्य चुन्नका लागि आइतबार भएकाे निर्वाचनमा पर्सा जिल्लामा ६९ प्रतिशत मत खसेकाे छ।
जिल्लाका ४ वटै प्रतिनिधि सभा र ८ वटै प्रदेशसभा निर्वाचन क्षेत्र गरि ६८.८१ प्रतिशत मत खसेकाे हाे ।
पर्साका मुख्य निर्वाचन अधिकृत विनाे पोख्रेलले पर्साका १६९ मतदान स्थल र ४१४ मतदान केन्द्रमा गरि ६८.८१ प्रतिशत मतदान भएकाे बताए ।
पर्सा जिल्लामा १ लाख ९४ हजार ९ सय ४ पुरुष, १ लाख ५१ ह्जार ८ महिला र अन्य १६ गरी कुल मतदाता ३ लाख ४५ हजार ९ सय २८ जना रहेकाेमा आइतबार भएकाे निर्वाचनमा २ लाख ३८ हजार ५४ जना मतदाताले मतदान गरेका हुन् । जिल्लाका ४ वटै प्रतिनिधि सभा र प्रदेशसभा सदस्य गरि कुल १ सय ६१ जना उम्मेदवार चुनावी प्रतिस्पर्धामा छन् ।
पाेख्रलका अनुसार, आइतबार सम्पन्न मतदानकाे मतगणना साेमबार बिहान देखि मात्र शुरु हुनेछ ।
पर्सा क्षेत्र नम्बर १ र २ काे मतगणना वीरगन्ज स्थित ठाकुरराम बहुमुखी क्याम्पसमा र क्षेत्र नम्बर ३ र ४ काे मतगणना पाेखरीया स्थित जिल्ला उच्चांगल रामदेव कलवार माविमा गरिनेछ ।