मधेसखबर
वीरगञ्ज , साउन २६ गते । नेपालमा बिहीबार देशभर २ हजार ४११ पीसीआर तथा २ हजार १२३ एन्टिजेन परीक्षण भएकोमा त्यसमध्ये थप ८ सय १५ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार पछिल्लो २४ घण्टामा कोरोना भाईरसको संक्रमणबाट पाँच जनाको मृत्यु भएको छ। योसँगै हालसम्म कोरोना भाईरसको संक्रमणबाट ज्यान गुमाउनेको संख्या ११ हजार ९ सय ८२ पुगेको छ।
बिहीबार ४ सय ७६ जना कोरोना संक्रमणमुक्त पनि भएका छन्। योसंगै हाल देशभर ५ हजार ८ सय ६९ कोरोना भाईरसका सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।