मधेसखबर
वीरगन्ज,०८असार : सत्तारूढ पाँच दलीय गठबन्धनले संसदमा विचाराधीन नागरिकता विधेयकलाई अगाडि बढाउने निर्णय गरेको छ ।
बुधबार अपरान्ह प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले संसदमा विचाराधीन नागरिकता विधेयकलाई अगाडि बढाउने निर्णय गरेको हो ।
बैठकमा प्रधानमन्त्री एंव नेपाली काँग्रेसका सभापति शेरबहादुर देउवाले नागरिकताको विधेयकलाई अगाडि बढाउने प्रस्ताव गरेको र उक्त प्रस्ताव बैठकले अनुमोदन गरेको सरकारका प्रवक्ता समेत रहेका सन्चार तथा सूचना प्रविधि मन्त्री ज्ञानेन्द्रबहादुर कार्कीले जानकारी दिए ।
जन्मसिद्ध नागरिकका सन्तानहरु , बुबाआमा नेपाली नागरिक भए पनि नागरिकताविहीन हुनुपरेको भन्दै नागरिकताको समस्यालाई समाधान गर्न सरकार अघि बढेको कार्र्कीले बताए ।
सन्चार मन्त्री कार्कीले बुधबारको बैठकमा शान्ति प्रक्रियालाई चाँडै निष्कर्षमा पु¥याउनका लागि पनि छलफल भएको बताए ।