मधेशखबर
२०७९ असार १ , वीरगंज
राष्ट्रिय प्रजातन्त्र पार्टि राप्रपा पर्साले बढ्दो महँगाई नियन्त्रणको माग गर्दै जिल्ला प्रशासन कार्यालयमा ज्ञापन पत्र बुझाएको छ । पार्टिका जिल्ला अध्यक्ष सुमेश्वर उपाध्यायको हस्ताक्षर सहितको १९ बुँदे ज्ञापनपत्र ,पर्साका प्रमुख जिल्ला अधिकारी मार्फत प्रधानमन्त्री कार्यालय सिंहदरबारमा पठाएको हो ।
ज्ञापनपत्र बुझाए पश्चात् र्याली घण्टाघरमा पुगेर कोणसभामा परिणत भएको थियो। सभालाई सम्बोधन गर्ने क्रममा बिरगंज महानगर अध्यक्ष जलेशवर सरार्फले देश अहिले मरुभूमिको अवस्थामा पुगिसकेकोले बेलैमा होश पुर्याएर देश र जनताको समस्या एकमुष्ट बुदागत रुपले समाधान गर्न माग गर्नुभयो । माग पुरा नभए राप्रपाले देशमा अब आन्दोलनले नै जनता र देशको समस्या समाधान गर्ने चेतावनी प्रधानमन्त्रीलाई सरार्फले दिएका हुन् ।
देशमा बढ्दै गएको महँगाई ,भ्रष्टाचार र मलको समस्या समाधानको माग गर्दै देशैभरी राप्रपाले बुधबार ज्ञापनपत्र बुझाएको हो । ज्ञापनपत्र बुझाउन गएको टोलिमा राप्रपाका जिल्ला अध्यक्ष सुमेश्वर उपाध्याय, अंगद ठाकुर ,पन्नालाल पटेल, अवधकिशोर साह, नगिना यादव ,बिरगंज महानगर अध्यक्ष जलेशवर सरार्फ लगायतका नेता तथा कार्यकर्ताहरुको उपस्थिती रहेको थियो।