मधेसखबर
वीरगन्ज,१२जेठ :पर्साको ग्रामीण भेगका विभिन्न स्थानमा विद्युत चोरी गरि उपयोग गरेको आरोपमा ७ जना पक्राउ परेका छन् ।
पोखरीया स्थित नेपाल विद्युत प्राधिकरण वितरण केन्द्रको चुहावट नियन्त्रण टोलिले विभिन्न गाँउबाट ७ जनालाइ पक्राउ गरेको हो । बिजुलीको पोलमा सिधै हुकिङ गरेर विद्युत चोरेको आरोपमा प्राधिकरणको टोलीले ७ जना मानिस सहित पानी तान्ने २ थान मोटर र १ थान पंखा पनि नियन्त्रणमा लिएको छ ।
पक्राउ पर्नेहरुमा प्रसौनीभाठाका भोला साह गोढ,फरदवाका कृष्णा चौधरी, कटेयाका सुरज महरा र ढोरा सहनी , एकडरवाका राजेश राउत र हरिन्द्र सहनी रहेका छन् । पक्राउ परेकाहरुलाइ कानुन अनुसार जरिवाना तिराएर छाडिएको विद्युत प्राधिकरण पोखरीया वितरण केन्द्रका प्रमुख जगरनाथ झाले जानकारी दिए ।