माधुरी महत्तो
वीरगन्ज, १७ बैशाख :वीरगन्ज महानगरपालिका वडा नम्बर १४ गण्डक बहुअरी स्थित वीरगन्ज हेल्थकेयर हस्पिटलमा विद्युत सर्टर भएर आगलागी हुदा करोडौको क्षति भएको छ ।
अस्पतालको तेश्रो तल्लामा रहेको डायलोशीश शाखामा शुक्रबार राति ९ बजे तिर विद्युत सर्ट भएर आगलागी भएको हो ।
आगलागीबाट डायलोशीश शाखामा रहेका डायलोशीश मेशीन ६ वटा , भेन्टिलेटर २ वटा , कार्डियेक मोनिटर ७ वटा , बेड ६ वटा , ल्यापटप २ वटा , एसी १ वटा , आरो प्लाण्ट २ वटा , फ्रिज १ वटा ,अक्सिजन सिलिण्डर १ वटा , केमिकल २ कार्टुन , एभि ट्युब ६ वटा र तौल नाप्ने मेशीन १ वटा जलेर नष्ट हुदा करिब पौने २ करोड रुपैया बराबरको क्षति भएको अस्पतालका सन्चालक डाक्टर अबुल हैयश अन्सारीले बताए ।
आगलागीका बेला डायलोशीश शाखामा बिरामी र स्वास्थ्यकर्मी नभएकाले मानवीय क्षति भने हुन नपाएको उनले बताए ।
अन्सारीका अनुसार , शुक्रबार राति ९ बजे तिर हावाहुरीसंगै पानी परिरहेका बेला चट्याङ पनि खसिरहेकाले चट्याङकै कारण डायलोशीश शाखामा विद्युत सर्ट भएर आगलागी भएको हो ।
पर्साका प्रहरी प्रवक्ता प्रहरी नायव उपरिक्षक ओम प्रकाश खनालले भने अस्पतालको डायलोशीश शाखामा विद्युत सर्ट भएर आगो लागेको बताए ।
आगो , वीरगन्ज महानगरपालिकाको वारुणयन्त्रको मदतमा अग्नि नियन्त्रक र प्रहरीले मिलेर निभाएको उनले बताए ।
आगलागीबाट १ करोड ७५ लाख ५६ हजार रुपैयाको क्षति भएको जानकारी उनले दिए ।