काठमाडौं,२७वैशाखः राष्ट्रिय स्वतन्त्र पार्टी (रास्वपा) का सभापति रवि लामिछानेले सुकुम्बासी समस्या समाधान गर्न अझै पनि छाती थापिरहेको बताएका छन् । आइतबार रास्वपाका सांसदहरूको प्रशिक्षणमा बोल्दै उनले अधिकार नपाएसम्म छाती नहटाउने स्पष्ट पारेका छन् ।
उनले आफ्नो कारणले यो समस्या खडा गरेको नभएर तीन दशकदेखि राजनीति गरिरहेका दलहरूले यो समस्या सिर्जना गरेको दाबी गरे ।
’हामीले त सुकुम्बासी समस्या समाधान गर्दै छौँ । यो समस्यालाई पुराना राजनीतिक दलहरूले भोट ब्याङकका रूपमा राखेका हुन,’ लामिछानेले भने, ’हामी यो समस्या समाधान गर्ने काममा छौँ । अझै व्यवस्थित रूपमा गर्न सकिन्थ्यो होला, कुरा सही हो, तर हामी अहिलेसम्म थापिरहन्छौँ, छाती हटेको छैन ।’
उनले व्यावहारिक रूपमा यो समस्यालाई स्थायी रूपमा समाधान गर्ने प्रतिबद्धता व्यक्त गरे । उनले काठमाडौंलगायत ठाउँमा केहीले राजनीतिक लाभ लिइरहेको समेत बताए । ’हामीलाई मुर्दावाद भन्नुस्, केही छैन । तर, हामी अधिकार दिन्छौँ,’ उनले भने, ’कुनै पनि नागरिकलाई घरबारविहीन पार्ने छैनौँ ।’