काठमाडौं,२२वैशाख:जनमत पार्टीले मधेस प्रदेशको संसदीय दलको नेता परिवर्तन गरेको छ ।साेमबार मात्रै मधेस प्रदेश सरकारबाट बाहिरिने निर्णय गरेकाे जनमत पार्टीले मंगलबार संसदीय दलको नेता समेत परिवर्तन गरेको हो ।
जनमत पार्टीभित्र विवाद बढ्दै जाँदा सरकारलाई समर्थन कायमै र फिर्ताको पत्र प्रदेश प्रमुखको कार्यालयमा पठाइएको थियो । अध्यक्ष सीके राउतले महेशप्रसाद यादवलाई दलको नेताबाट हटाएर चन्दनकुमार सिंहलाई तोकेको पत्रसमेत थमाएका छन् ।