वीरगन्ज,१चैत:वीरगन्ज-१५ मा अवस्थित नेशनल मेडिकल कलेज तथा शिक्षण अस्पतालले पर्सा र बारा जिल्लामा रहेका यतिमखाना र मदरसामा अध्ययनरत बालबालिकाहरुलाई कपडा वितरण गरेकाे छ।
दुवै जिल्लाका यतिमखाना र मदरसामा अध्ययनरत मुस्लिम सुमदायका विपन्न परिवारका बालबालिकाहरुलाई मेडिकल कलेजले कपडा वितरण गरेकाे हाे ।
आइतबार मेडिकल कलजमै आयाेजित कार्यक्रममा मेडिकल कलेजका प्रबन्ध निर्देशक शहनवाज अन्सारी,शैक्षिक निर्देशक डा. रुबी श्रेष्ठ यशमिन र बजार निर्देशक आबिद हुसैन अन्सारीले यातिमखाना र मदरसामा अध्ययनरत ५१४ जना बालबालिका, त्यहाँ पढाउने ९३ जना शिक्षक र ५ जना महिला कर्मचारी गरी कुल ६१२ जनाका लागि कपडा यतिमखानाका शिक्षकहरुलाई प्रदान गरे ।
सामाजिक उत्तरदायित्व अन्तर्गत पर्साकाे छपकैया, बहुअरी,सतवरिया,इनर्वा,सिर्सिया,बाराकाे कलैया, दुर्गलिया,इनरुवा,गाेनपुर गफरिया लगायतका स्थानमा सञ्चालित यतिमखाना र मदरसाका बालबालिका र शिक्षकहरुका लागि कपडा वितरण गरिएको मेडिकल कलेजका बरिस्ठ प्रशाशक विश्वनाथ कान्तले जानकारी दिए।