वीरग्न्ज १० फागुन :पर्सा क्षेत्र नम्बर–२ का नेपाली कांग्रेसका उम्मेदवार अजय चौरसियाले आज वीरगञ्ज महानगरपालिका वडा नम्बर–१ छपकैया क्षेत्रमा घरदैलो कार्यक्रम सम्पन्न गरेका छन् ।
घरदैलोका क्रममा उनले स्थानीय मतदातासँग प्रत्यक्ष भेटघाट गर्दै नेपाली कांग्रेसले नै देशमा विकासको आधार निर्माण गरेको बताए। विगतका उपलब्धिहरू स्मरण गर्दै उनले आगामी दिनमा पनि जनताको हित, समृद्धि र सुशासनका लागि नेपाली कांग्रेस प्रतिबद्ध रहेको उल्लेख गरे ।
उनले मतदाताहरूलाई नेपाली कांग्रेसका उम्मेदवारहरूलाई चारै क्षेत्रमा विजयी गराउन आग्रह गर्दै विकासको निरन्तरताका लागि कांग्रेसलाई साथ दिन आह्वान गरे । कार्यक्रममा स्थानीय बासिन्दाहरूको उल्लेखनीय सहभागिता रहेको थियो।
