वीरगन्ज, ९ फागुनः पर्सा क्षेत्र नम्बर २ का नेपाली कांग्रेसका उम्मेदवार अजयकुमार चौरुसियालाई समर्थन जनाउँदै नेकपा एमालेका जिल्ला सदस्यसहितका नेताहरु कांग्रेसमा प्रवेश गरेका छन् ।
शनिबार बिहान वीरगन्ज महानगरपालिका वडा नम्बर २९ रतनपुर जसौलीमा कांग्रेस उम्मेदवार चौरसियाको घरदैलो कार्यक्रमकै क्रममा एमालेका जिल्ला सदस्य कारी महत्तो र वडा सदस्य जनक महत्तो सपरिवार कांग्रेसमा प्रवेश गरेको कांग्रेसका क्षेत्रीय सभापति महमद साहबुदिनले जानकारी दिए ।ती दुवै नव प्रवेशीहरुलाई कांग्रेस उम्मेदवार चौरसियाले फुलमाला लगाएर पार्टीमा स्वागतपनि गरेको उनले बताए ।
वडा नम्बर २९ रतनपुर जसौलीमा घरदैलोका क्रममा कांग्रेस उम्मेदवार चौरसियाले मतदाताहरुको घरघरमै पुगेर उनिहरुसंग संवाद गर्दै त्यहाँका समस्याका बारेमा जानकारीपनि लिएको कांग्रेसका क्षेत्रीय सचिव रन्जित कुमार पटेलले जानकारी दिए ।