सिरहा,१६माघःसिरहाको सदरमुकाममा सिरहा नगरपालिकामा दिउँसै गोली प्रहार गरी एक व्यक्तिको हत्या भएको छ ।ट्याक्टरले खेत जोतिरहेकै बेला प्रेमनाथ यादवलाई गोली हानी हत्या गरिएको हो ।
स्थानीयका अनुसार यादव वडा नम्बर ७ स्थित मैनाबत्ती खोला किनारमा आफ्नै खेत ट्याक्टरले जोतिरहेको अवस्थामा अज्ञात व्यक्तिले गोली प्रहार गरेका थिए । यादवको घटनास्थलमै मृत्यु भएको हो । घटनाबारे जानकारी दिँदै वडा अध्यक्ष महेशकुमार यादवले खेत जोत्न गएका बेला उनीमाथि गोली प्रहार गरी हत्या गरिएको खबर प्राप्त भएको बताए । घटनाबारे विस्तृत विवरण आइसकेको छैन ।