काठमाडौं,२८मंसिरःनेपाली बजारमा सुनको भाउ हालसम्मकै उच्च भएको छ ।आज( आइतबार) सुनको मूल्यले २ महिनाअघिको रेकर्ड तोडेको छ ।
नेपाल सुनचाँदी व्यवसायी महासंघले आजका लागि सुनको भाउ प्रतितोला २ लाख ५८ हजार ८ सय रुपैयाँ तोकेको छ । यसअघि असोज ३१ गते सुनको भाउले २ लाख ५८ हजार रुपैयाँको रेकर्ड बनाएको थियो ।
अघिल्लो दिन अर्थात गत शुक्रबारको तुलनामा आज सुनको भाउ २ हजार २ सय रुपैयाँ बढेको हो । अघिल्लो दिन २ लाख ५६ हजार ६ सय रुपैयाँमा सुनको कारोबार भएको थियो ।
चाँदीको भाउ भने आज तोलामा ८०रुपैयाँले घटेको छ । गत शुक्रबार प्रतितोला ३ हजार ९०५ रुपैयाँ रहेको चाँदीको भाउ आज भने तोलामा ८० रुपैयाँले घटेर ३ हजार ८२५ रुपैयाँ कायम भएको छ ।