वीरगन्ज,२७मंसिरःनेपाली कांग्रेसका महाधिवेशन प्रतिनिधि डाक्टर कृपासिन्धु चौधरी जनता समाजवादी पार्टी (जसपा) नेपालमा प्रवेश गरेका छन् । वीरगन्जको ठाकुरराम बहुमुखी क्याम्पसका पूर्व क्याम्पस प्रमुख तथा राष्ट्रिय योजना आयोगका पूर्वसदस्य समेत रहेका चौधरी उपेन्द्र यादव नेतृत्वको जसपा नेपालमा प्रवेश गरेका हुन् ।
शनिबार काठमाडौंस्थित जसपा नेपालको केन्द्रिय कार्यालयमा पार्टी अध्यक्ष उपेन्द्र यादवले डा. चौधरीलाई पार्टी सदस्यता दिदैं जसपा नेपालमा प्रवेश गराएको जसपा नेपाल पर्साका अध्यक्ष रामनरेश प्रसाद यादवले जानकारी दिए ।
कांग्रेस छाडेर जसपा नेपालमा प्रवेश गरेका डा. चौधरीलाई जसपा नेपालले आगामी फागुन २१ को प्रतिनिधि सभा निर्वाचनमा पर्सा क्षेत्र नम्बर ४ मा प्रत्यक्षतर्फको उम्मेदवार बनाउने निर्णयसमेत गरिएको जिल्ला अध्यक्ष यादवले जानकारी दिए ।