वीरगन्ज,१०मंसिरःवीरगन्ज महानगरपालिका वडा नम्बर १४ बहुअरीमा बुधबार निःशुल्क आँखा चेकजाँच शिविर सम्पन्न भएको छ । बहुअरीस्थित सामुदायिक विवाह भवन परिसरमा स्टार युथ क्लब बहुअरीले आयोजना गरेको निःशुल्क शिविरबाट ३ सय १५ जना लाभान्वित भएका छन् ।
वीरगन्ज सामुदायिक आँखा केन्द्रको प्राविधिक सहयोगमा आयोजित शिविरमा ३ सय १५ जनाको आँखा जाँच गरिएको र आवश्यक भएकाहरुलाई औषधि वितरणपनि गरिएको क्लबका अध्यक्ष शम्साद अली अन्सारीले जानकारी दिए ।
साथै शिविरमा जाँच गराएकामध्ये २७ जनामा मोतिया बिन्दुको समस्या देखिएकोमा उनिहरुको शनिबार वीरगन्ज सामुदायिक आँखा केन्द्रमा निःशुल्क शल्यकृया गरिने जानकारीपनि उनले दिए ।
अन्सारीको अध्यक्षतामा भएको शिविरको उद्घाटन जिल्ला प्रहरी कार्यालय पर्साका प्रहरी नायब उपरीक्षक हरिबहादुर बस्नेतले गरेका थिए ।