वीरगन्ज,३०कात्तिक:नेपाली बजारमा आज(आइतबार) सुनको मूल्य ताेलामा करिब ७ हजार रुपैयाँले घटेको छ । अघिल्लो दिनको तुलनामा आज सुन तोलामा ६ हजार ९ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ४२ हजार ८ सय रुपैयाँ कायम भएको छ ।
गत शुक्रबार भने एक तोला सुनको कारोबार २ लाख ४९ हजार ७ सय रुपैयाँमा भएको थियो ।
यस्तै आज चाँदीको भाउ पनि घटेको छ । आज चाँदी १५० रुपैयाँले घटेको छ । यससँगै चाँदीको कारोबार प्रतितोला ३ हजार १३५ रुपैयाँमा भइरहेको छ ।