काठमाडौं,२३ असोज : नेपाली बजारमा एक तोला सुनको मूल्य २ लाख ३९ हजार रुपैयाँ नाघेको छ। बुधबार २६ सयले बढेर ऐतिहासिक रेकर्ड कायम गरेको सुनको मूल्य आज (बिहीबार) तोलामा १ हजार २ सय रुपैयाँले बढेर हालसम्मकै उच्च बिन्दुमा पुगेको हो।
नेपाल सुन–चाँदी व्यवसायी महासंघका अनुसार आज १ हजार २ सय रुपैयाँले बढेर एक तोला सुनको मूल्य २ लाख ३९ हजार २०० रुपैयाँ पुगेको हो। यो हालसम्मकै उच्च मूल्य हो। यसअघि हिजो (बुधबार) एक तोला सुन २ लाख ३८ हजार रुपैयाँमा खरिदबिक्री भएको थियो।
यसैगरी सुनको मूल्यले कीर्तिमानी बनाएसँगै चाँदीको भाउ पनि हालसम्मकै उच्च बिन्दुमा पुगेको छ। महासंघका अनुसार आज एक तोला चाँदीको मूल्य ३ हजार २५ रुपैयाँ पुगेको छ। बुधबार सोही परिमाणको चाँदी २ हजार ९५५ रुपैयाँमा खरिदबिक्री भएको थियो।