वीरगन्ज,१६असोजःझापामा बिहीबार बिहान यात्रुवाहक बस दुर्घटना हुदाँ २ जनाको मृत्यु भएको छ । दुर्घटनामा १३ जना घाइतेपनि भएका छन् ।
मृत्यु हुनेमा सुनसरीको इटहरी नगरपालिका वडा नम्बर ११ का ४६ वर्षीय दिनेशकुमार भट्टराई र बसका सहचालक मोरङको रंगेली नगरपालिका वडा नम्बर २ का ४२ वर्षीय राजकुमार चौधरी रहेका छन् ।
प्रदेश १–०११–००१ ख ४४५९ नम्बरको यात्रुवाहक बस झापाको बिर्तामोड नगरपालिका वडा नम्बर ६ बुट्टाबारीमा बिहीबार बिहान ९ः३० बजेतिर अनियन्त्रित भई सडकबाट ५ मिटर तल पल्टिएर दुर्घटनामा परेको जिल्ला प्रहरी कार्यालय झापाले जनाएको छ । घाइते १३ जनाको झापाका विभिन्न अस्पतालमा उपचार भइरहेको प्रहरीले जनाएको छ ।