वीरगन्ज,१७साउन:पर्सामा लागुओैषध गाँजासहित एक जना पक्राउ परेका छन्।ईलाका प्रहरी कार्यालय पटेर्वा सुगौलीको टोलीले पटेर्वा सुगौली गाँउपालिका नम्बर ४ स्थित करबोलाबाट लागुऔषध गाँजासहित एक युवकलाई पक्राउ गरेको हो।
पक्राउ पर्नेमा पर्सागढी नगरपालिका वडा नम्बर ९ एकटांगाका ३४ वर्षीय जगमोहन यादव रहेको इलाका प्रहरी कार्यालय पटेर्वा सुगौलीका प्रहरी निरिक्षक प्रकाश थापाले जानकारी दिए ।
बेलवाबाट देउरवानातर्फ जाँदै गरेको बिआर ०५ एजी ६८०५ नम्बरको मोटरसाइकलकाे चालक यादवलाई प्रहरीले ८ किलाे ४४० ग्राम गाँजासहित पक्राउ गरेको हो । पक्राउ परेका यादव सवार रहेको मोटरसाइकलको सिटमुनी र उनको शरिरमा बाँधिएको अवस्थामा गाँजा बरामद भएको प्रहरी निरिक्षक थापाले बताए।
लागुऔषध गाँजा सहित पक्राउ परेका यादवलाई प्रहरी हिरासतमा राखेर थप अनुसन्धान भइरहेको उनले बताए ।