वीरगन्ज,२ साउनःपर्सामा सशस्त्र प्रहरीले एक वर्षमा झण्डै २९ करोड रुपैयाँ बराबरको तस्करीको (भन्सार राजस्व छलेर भित्र्याइएको ) मालसामान बरामद गरेको छ ।
सशस्त्र प्रहरी बल नेपाल नम्बर १३ गण हेडक्वाटर पर्साले वीरगन्ज नाकासहित पर्सा जिल्लाका विभिन्न स्थानबाट गत आर्थिक वर्ष २०८१÷८२ मा भारतबाट भन्सार राजस्व छलेर भित्र्याइएका कपडा,हार्डयेयर,मोटरपाट्र्स,औषधि लगायतका गरी २८ करोड ९२ लाख ५० हजार १९९ रुपैयाँ बराबरका सामान बरामद गरेको हो ।
गत आर्थिक वर्षमा सबै भन्दा बढी भदौं महिनामा ३ करोड ५६ लाख ६४ हजार रुपैयाँको र सबैभन्दा कम १ करोड ५५ लाख ३ हजार रुपैयाँ बराबरको सामान बरानमद गरिएको सशस्त्र प्रहरी बल नेपाल नम्बर १३ गण हेडक्वाटर पर्साका सूचना अधिकारी तथा सशस्त्र प्रहरी नायब उपरीक्षक देबेन्द्रबहादु्र सिंहले जानकारी दिए ।
गत आर्थिक वर्षमा बरामद गरिएका सामानमध्ये ११ करोड ९९ लाख ४७ हजार रुपैयाँ बरबारको सामान आवश्यक अनुसन्धान तथा कारबाहीका लागि बाराको पथलैयाििस्थत राजस्व अनुसन्धान कार्यालयमा र बाँकी सामान वीरगन्ज भन्सार कार्यालयमा बुझाइएको सिंहले बताए ।
यस्तै गत आर्थिक वर्षमा पर्सामा सशस्त्र प्रहरीले श्रोत नखुलेको अर्थात हुण्डीको १ करोड १५ लाख ९० हजार २२ रुपैयाँसहित त्यसमा संलग्न २१ जनालाई पक्राउपनि गरेको सिंहले जानकारी दिए ।
उनका अनुसार, गत एक वर्षमा पर्साका विभिन स्थानबाट सशस्त्र प्रहरीले लागूऔषध गाँजा ४२३ केजी,चरेस ३९ केजी, खैरो हेरोइन ३.२ ग्राम,ट्रामाडोल २ लाख २३ हजार ३९० पिस,नाइट्रोभेट ६ हजार ८७६ पिस बरामद गरेको छ । यस्तै गत एक वर्षमा सशस्त्र प्रहरीले पर्साका विभिन्न स्थानमा गरी १६ बिघा ५ कठ्ठा जग्गामा लगाइएको गाँजा खेती नष्टपनि गरेको सिंहले जानकारी दिए ।