काठमाडौं,१साउनः साफ यु–२० महिला च्याम्पियनसिप फुटबलमा श्रीलंकाविरुद्ध नेपालले सानदार जित हात पारेको छ । बंगलादेशको राजधानी ढाकास्थित बसुन्धरा किङ्स इरिनाको अभ्यास मैदानमा बिहीबार भएको खेलमा नेपालले श्रीलंकालाई ७–० गोलको फराकिलो अन्तरले हराएको हो।
पहिलो हाफमा ४ गोल गरेको नेपालले दोस्रो हाफमा ३ गोल थप्यो। नेपालका लागि कुसुम खतिवडा र समीक्षा मगरले समान २÷२ गोल गरे। पूर्णिमा राई, बिर्सना चौधरी र सरिता नाथले १–१ गोल गरे।
जारी प्रतियोगितामा नेपालले पहिलो खेलमा पनि श्रीलंकालाई नै ७–० ले हराएको थियो ।नेपालले अर्को खेल भुटानसँग शनिबार खेल्नेछ।नेपालले लिगको अन्तिम खेल घरेलु मैदान बङ्गलादेशसँग खेल्नेछ।