पर्सा,२०असार:पर्साकाे सखुवा प्रसौनी गाउँपालिका वडा नम्बर २ मा पोषणमैत्री स्थानीय प्रवर्द्धन विषयक अभिमुखीकरण कार्यक्रम सम्पन्न भएको छ। गाउँपालिकाको स्वास्थ्य शाखाको आयोजनामा उक्त कार्यक्रम शुक्रबार सम्पन्न भएको हाे।
वडा नम्बर २ का वडाध्यक्ष चिरञ्जीवी महतो थारुकाे अध्यक्षतामा भएको कार्यक्रममा स्वास्थ्य शाखाका प्रमुख राजेश रौनियारले पोषणमैत्री स्थानीय प्रवर्द्धनका अवधारणा, महत्त्व र कार्यान्वयनका तरिकाबारे सहभागीहरूलाई विस्तृत जानकारी गराएका थिए।रौनियारले पोषण सुधारका लागि सबै सरोकारवालाबीच समन्वय र सक्रिय सहभागिता आवश्यक रहेको उल्लेख गरे। वडाध्यक्ष थारुले यस्ता कार्यक्रमले समुदायमा पोषणप्रति चेतना अभिवृद्धि गर्न सघाउने विश्वास व्यक्त गरे।
कार्यक्रममा वडा नम्बर २ का जनप्रतिनिधिहरू, बाल विकास केन्द्रका शिक्षिका, विद्यालयमा आइरन चक्की खुवाउने फोकल पर्सन शिक्षिका, महिला स्वास्थ्य स्वयंसेविका स्वास्थ्य चौकीका इन्चार्ज लगायतकाकाे सहभागिता थियाे।