वीरगन्ज,२४जेठःसशस्त्र प्रहरीले छिमेकी मुलुक भारतबाट तस्करी गरेर भित्र्याएको नेपालमा प्रतिबन्धित ७ हजार ५ सय वटा ब्रोइलर कुखुराको चल्ला बरामद गरेको छ ।
पर्साको बहुदरमाई नगरपालिका–५ डकैला चोकबाट सशस्त्र प्हरीले भारतबाट अवैध रुपमा चोरी पैठारी गरी तीन वटा भारतीय नम्बर प्लेटका मोटरसाइकलमा लोड गरेर नेपाल ल्याउँदै गरेको ७५ कार्टुन अर्थात् ७ हजार ५ सय वटा ब्रोइलर कुखुराको चल्ला बरामद गरेको हो ।
बरामद भएको चल्लालाई पशु क्वारेन्टाइन कार्यालयका प्रतिनिधि, स्थानीय जनप्रतिनिधि र सञ्चारकर्मीको रोहबरमा नष्ट गरिएको र चल्ला तस्करीमा प्रयोग गरिएका मोटरसाइकल वीरगन्ज भन्सार कार्यालयमा बुझाइएको सशस्त्र प्रहरी नायब उपरीक्षक देबेन्द्र सिंहले जानकारी दिए ।