प्रमोद यादव
पर्सा,१७चैतःपर्साको पटेर्वा सुगौली गाँउपालिकाका विभिन्न स्थानमा आयोजित निःशुल्क आँखा शिविरबाट २ सय ५० जना लाभान्वित भएका छन् ।सहज सेवा सीप विकास केन्द्र पटेर्वा सुगौलीको आयोजना तथा सामुदायिक आँखा अस्पतालको प्राविधिक सहयोगमा नेपाल राष्ट्रिय माध्यमिक विद्यालय सुगौली दाप र सुगौली सामुदायिक भवनमा निःशुल्क आँखा शिविर आयोजना गरिएको थियो ।
नेपाल राष्ट्रिय माध्यमिक विद्यालय सुगौली दापको प्रांगणमा आयोजित शिविरमा १०० जनाको आँखा परीक्षण गर्दा २७ जनामा मोतियाबिन्दु फेला परेको आँखा अस्पतालका मेडिकल संयोजक महेश सिंह धामीले जानकारी दिए । यस्तै सुगौली सामुदायिक भवनमा आयोजित शिविरमा १५० जनाको आँखा परीक्षण गर्दा ती मध्ये ४५ जनामा मोतियाबिन्दु भेटिएको उनले बताए ।
शिविरमा सामुदायिक आँखा अस्पतालका मेडिकल संयोजक महेश सिंह धामी, चिकित्सकहरू ओमप्रकाश चौधरी, राजेश चौधरी, चाँदनी जैसवाल लगायतले सेवा प्रदान गरेका थिए। दुववै स्थानको शिविरमा मोतियाबिन्दु भेटिएकाहरुको आइतबार निःशुल्क शल्यकृया गरिने धामीले जानकारी दिए ।
शिविरमा स्थानीय समाजसेवी राजेश चौधरी, सुभाष दास, नेपाल पत्रकार महासंघ पर्साका सदस्य प्रमोद यादव, बीबीसी नेपाली सेवाकी संवाददाता माधुरी महतो, रातोपना अनलाइनका पत्रकार अमित अग्रवाल लगायतकोपनि उपस्थिती थियो ।