वीरगन्ज,५माघ :पर्साको पर्सागढी नगरपालिका वडा नम्बर ४ बखनरवाको दलितबस्तीमा निःशुल्क स्वास्थ्य शिविर आयोजनाका साथै न्यानो लुगाकपडापनि वितरण गरिएको छ ।
नेशनल मेडिकल कलेजका एमडी उमर देवानको नेतृत्वमा दलितबस्तीमा आयोजना गरिएको शिविरमा ३०४ महिला, २९६ पुरुष र १०५ बालबालिका गरी ७ सय जनाको स्वास्थ्य जाँच गरिएको थियो ।नेपाल हेल्थ कप्स नेशनल मेडिकल कलेजका चिकित्सक र विद्यार्थीहरूको टोलीले उनिहरुको स्वास्थ्य जाँच गरेका थिए । शिविरमा डा. मिना कुमार साह, डा. कुमुद लोहबारिया र डा. बिजय कुमार ज्याखोले स्वास्थ्य परामर्शपनि दिएका थिए।
यसका साथै उक्त दलितबस्तीका मानिसलाई ३ सय जोर न्यानो लुगाकपडापनि वितरण गरिएको एमडी उमर देवानले जानकारी दिए ।