वीरगन्ज,२५पुस:भारतकाे अयाेध्यामा भगवान् श्रीरामलालाकाे प्राण प्रतिष्ठाकाे पहिलाे वार्षिकोत्सवका अवसरमा वीरगन्जमा शाेभा यात्रा निकालिने भएको छ।
नेपाल जनता पार्टीले वीरगन्जमा आगामी शनिबार शाेभा यात्रा निकाल्न लागेकाे हाे।नेपाल जनता पार्टीका बरिस्ठ नेता सन्ताेषानन्द महाराजका अनुसार,पुस २७ गते शनिबारका दिन वीरगन्जमा शाेभा यात्रा निकाल्न लागिएको हाे।
शनिबार दिउँसो १ बजे जिल्ला प्रहरी कार्यालय पर्सा अगाडिकाे लालबंगला परिसरबाट भगवान् श्रीराम,माता जानकी,भगवान् हनुमानकाे झाँकीसहित सुरु हुने शाेभायात्रा घण्टाघर,माईस्थान,आदर्शनगर,अलखियामठ चाेक,घडिअर्वा हुँदै पुन घण्टाघर चाेकमा पुगेर समापन हुने नेपाल जनता पार्टीका बरिस्ठ नेता सन्ताेषानन्द महाराजले जानकारी दिए।
शाेभायात्राकाे तयारीका लागि नेपाल जनता पार्टीका अगुवाहरुकाे बिहीबार बैठक बसेकाे थियाे।बैठकमा नेपाल जनता पार्टीका केन्द्रीय सदस्यहरु सुरेश साह कानु,विनाेद कार्की,पारस द्विवेदी,पर्सा अध्यक्ष अनिल कुर्मी,उपाध्यक्ष धिरज साह कानु,महामन्त्री नवीन मिश्रा,महिला माेर्चा पर्सा संयाेजक संगीता गुप्ता,युवा माेर्चा संयाेजक दीपक सर्राफ लगायतकाकाे सहभागिता थियाे।