वीरगन्ज,९कार्तिक:वीरगन्जमा शुक्रबार आयाेजित अन्तर विद्यालय लाेकनृत्य प्रतियाेगितामा साउथजाेन मावि प्रथम भएको छ।
यस्तै लिटिल फ्लावर मावि द्वितीय र मनकामना मावि तृतीय भएका छन् ।यसैगरी मुनलाइट मावि चाैथाे तथा गाैतम मावि र जिवनज्याेति माविले सान्तवना स्थान हासिल गरे।
प्याब्सन पर्सा र वीरगन्ज महानगर समितिले संयुक्त रुपमा आयाेजना गरकाे प्रतियाेगितामा २३ वटा विद्यालयले भाग लिएका थिए।प्रतियोगिताको उद्घाटन वीरगन्ज महानगरका मेयर राजेशमान सिंहले गरेका थिए।
प्याब्सन पर्साका अध्यक्ष पुरन प्रधान र वीरगन्ज महानगर अध्यक्ष आलाेक चाैरसियाकाे अध्यक्षतामा भएकाे प्रतियाेगिताकाे समापन समाराेहमा विजेताहरुलाई प्याब्सनका महासचिव आरबी कटुवाल र केन्द्रीय सदस्य छेडुप लामाले पुरस्कार वितरण गरेका थिए।
उक्त प्रतियोगितामा वीरगन्जका विभिन्न २३ वटा विद्यालयका विद्यार्थीले भाग लिने प्याब्सन वीरगन्जका अध्यक्ष आलाेक चाैरसियाले जानकारी दिए।
नेपालमा रहेका विभिन्न जातजाित र समुदायका लाेकसंस्कृति,पहिरन र बाजगाजाकाे जगेर्ना र संरक्षण गर्दै सबै जातजातिबिचकाे सदभावलाई अझ मजबुत बनाउनुका साथै यसबारे बालबालिकालाईपनि जानकारी गराउने उदेश्यले लाेकनृत्य प्रतियोगिता आयाेजना गरिएको प्याब्सन वीरगन्ज महानगर अध्यक्ष चाैरसियाले बताए ।