वीरगन्ज,७कार्तिक:वीरगन्जमा अन्तर विद्यालय लाेकनृत्य प्रतियाेगिता आयाेजना हुने भएको छ।निजी तथा आवासीय विद्यालय अर्गनाईजेशन (प्याब्सन) वीरगन्जले कार्तिक ९ गते अन्तर विद्यालय लोकनृत्य प्रतियोगिताको आयोजना गर्न लागेको हाे ।
बुधबार वीरगन्जको आदर्शनगरस्थित लिटिल एञ्जल स्कुलमा पत्रकार सम्मेलनको आयोजना गरेर आयाेजकले कार्तिक ९ गते वीरगन्जको नगरसभागृहमा लोकनृत्य प्रतियोगिताको आयोजना गर्न लागिएको बारे जानकारी गराएको हो ।
उक्त प्रतियोगितामा वीरगन्जका विभिन्न २३ वटा विद्यालयका विद्यार्थीले भाग लिने प्याब्सन वीरगन्जका अध्यक्ष आलाेक चाैरसियाले जानकारी दिए।
मधेसका लाेकसंस्कृति,पहिरन र बाजगाजाकाे जगेर्ना र संरक्षण गर्दै सबै जातजातिबिचकाे सदभावलाई अझ मजबुत बनमउनुका साथै यसबारे बालबालिकालाईपनि जानकारी गराउने उदेश्यले लाेकनृत्य प्रतियोगिता आयाेजना गर्न लागिएको अध्यक्ष चाैरसियाले पत्रकार सम्मेलनमा बताए ।
उनका अनुसार प्रतियोगिताको उद्घाटन वीरगन्ज महानगरपालिकाका मेयर राजेशमान सिंहले गर्नेछन् ।