जनकपुर,२६ पुसःधनुषाको मिथिला नगरपालिका–२ नक्टाझिजको सुग्जोरमा रहेको सतपाल महाराजको सतलोक आश्रममा रहेका अनुयायी र स्थानीयबीच झड्प भएको छ । झडपका क्रममा दुवैतर्फका एक दर्जन व्यक्ति घाइते भएको धनुषा प्रहरीले जनाएको छ ।
सतलोक आश्रमले वरिपरिको ऐलानी जग्गा हड्पेको भन्दै शनिबार जग्गा नापजाँच गर्ने समय तोकिएको थियो । त्यही क्रममा सतपालका अनुयायी र स्थानीयबीच झड्प भएको हो ।
जग्गा खाली गराउन गएका स्थानीय र आश्रमका व्यक्तिहरुबीच विवाद बढेपछि जनकपुर–ढल्केवर सडक खण्डको महेन्द्रनगर औरही पुलमा सडक अवरुद्व गर्दै नाराबाजी गरिरहेका छन् । आश्रमका अनुयायीहरुले स्थानीयलाई लखेट्दै कुटपिट गरेपछि स्थानीयको समूह एकजुट भई आएर दुईतर्फी झडप भएको हो ।
घाइतेलाई उपचारका लागि जानकी मेडिकल र प्रादेशिक अस्पताल जनकपुर ल्याइएको छ ।साभारःइकान्तिपुर