वीरगन्ज,२७असाेज:मधेस आन्दोलनमा सकृय रुपमा लागेका वीरगन्ज महानगरपालिका वडा नम्बर १६ नगवाका युवा नेता अजयकुमार गुप्ता जनमत पार्टीमा प्रवेश गरेका छन्।
आइतबार जनमत पार्टी पर्साका अध्यक्ष ओमप्रकाश सर्राफ र नेतृ अनिता राैनियारकाे हातबाट पार्टी सदस्यताकाे पत्र लिएर युवा नेता जनमत पार्टीमा प्रवेश गरेका हुन्।
जनमत पार्टीमा प्रवेश गरेका युवा नेता गुप्ताले मधेसकाे मुक्ति र मधेसी जनताकाे हकअधिकारका लागि सडकदेखि सदनसम्म संघर्ष गर्ने एकमात्र दल जनमत पार्टी भएकाले आँफु प्रवेश गरेकाे प्रतिक्रिया दिए।जनमत पार्टीका अध्यक्ष डा.सिके राउतकाे राजनीतिक दूरदर्शिता र नीतिलेपनि आँफुलाई प्रभावित पारेकाे उनले बताए ।
त्यसअवसरमा जनमत पार्टी पर्साका अध्यक्ष सर्राफले मधेस आन्दाेलनमा मधेस र मधेसीकाे हकअधिकारका लागि ज्यान फालेर लागेका गुप्ता जस्ता युवा नेताहरुकाे पार्टी प्रवेशले जनमत पार्टी अझ सशक्त बन्दै जाने बताए ।जनमत पार्टीकाे लाेकप्रियता मधेसमा बढ्दै गएको जिकिर उनले गरे।