वीरगन्ज,३०भदौंः ६० औं राष्ट्रिय बाल दिवसको अवसरमा वीरगन्जमा लिभिङ विथ इन्भायोरन्मेन्ट नामक संस्थाको आयोजनामा “ओजन फर लाइभ” शीर्षकमा वक्तृत्वकला प्रतियोगीता सम्पन्न भएको छ ।
बीरगन्ज पब्लिक कलेजको सभाकक्षमा आयोजना गरिएको प्रतियोगितामा गौतम माविका स्पन्दन चौधरी प्रथम, आन्नद चौधरी द्वितीय र माइस्थान बिद्यापीठ माविकी रुपा गिरी तृतिय भएका छन् । प्रतियोगितामा ११ वटा विद्यालयका विद्यार्थीले भाग लिएका थिए ।
प्रतियोगिताको निर्णायक मण्डलीमा राष्ट्रिय भूमि आयोग पर्साका अध्यक्ष तवरेज अहमद, नेपाल पत्रकार महासंघका केन्द्रीय सदस्य के.सी.लामिछाने र लिभिङ्ग विथ इन्भायोरेन्मेन्टका केन्द्रीय सचिव देवेश सर्राफ थिए ।फिरोज अन्सारीको अध्यक्षतामा भएको कार्यक्रममा जनमत पार्टीका पर्सा जिल्ला अध्यक्ष ओम प्रकाश सर्राफ, डाक्टर सुष्मा तिवारी , इक्बाल हैदर, दिपेश वरर्णवाल लगायतकोपनि उपस्थिती थियो ।