काठमाडौं,२३भदाैं:वीरगन्जबाट भाेजपुरी भाषामा प्रकाशन हुँदै आएकाे भाेजपुरी टाइम्स पत्रिका भाषा आयोगबाट सम्मानित भएको छ।आफ्नो नवौं स्थापना दिवसको अवसरमा भाषा आयाेगले भाेजपुरी टाइम्स सहित ११ मातृभाषाका पत्रपत्रिका तता त्यसका प्रकाशक र सम्पादकहरूलाई सम्मानित गरेको हाे।
काठमाडौंमा आयाेजित कार्यक्रममा संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले देशभरिका विभिन्न भाषामा प्रकाशित पत्रपत्रिकाहरूले भाषा, संस्कार, र संस्कृतिको संरक्षणमा महत्वपूर्ण योगदान पुर्याउँदै आएका पत्रपत्रिका तथा सम्पादक र प्रकाशकहरूलाई सम्मानपत्र प्रदान गर्दै सम्मानित गरे ।
सम्मानित हुने पत्रपत्रिकामा भोजपुरी भाषामा प्रकाशित भोजपुरी टाइम्स पत्रका र त्यसका का अध्यक्ष तथा प्रबन्ध निर्देशक श्रवण प्रसाद साह, नेपाली भाषाको रचना पत्रिकाका सम्पादक रोचक घिमिरे, चाम्लिङ भाषामा प्रकाशित सितिमी पत्रिकाका सम्पादक तिलकबहादुर राई, र थारू भाषामा प्रकाशित लावा डग्गर पत्रिकाका प्रतिनिधि भूमिका थारू रहेका छन्।
कार्यक्रममा मन्त्री पाण्डेले मातृभाषा संरक्षणमा पत्रपत्रिकाहरूको भूमिकाको प्रशंसा गर्दै मन्त्रालयले यस क्षेत्रमा निरन्तर सहयोग गर्ने प्रतिबद्धता व्यक्त गरे।