काठमाडौं,१२भदौंःनेपाललाई हराउँदै बंगलादेशले साफ यू–२० च्याम्पियनसिप फुटबलको उपाधि जितेको छ ।ललितपुरको सातदोबाटोस्थित एन्फा कम्प्लेक्समा बुधबार भएको फाइनल खेलमा बंगलादेशले नेपाललाई ४–१ गोल अन्तरले हराउँदै उपाधि उचालेको हो ।दुई पटकको च्याम्पियन नेपाललाई हराउँदै बंगलादेश पहिलोपटक च्याम्पियन बनेको हो ।
पहिलो हाफको इजुरी टाइममा डि बक्स बाहिर पाएको फ्रिकिकमा मिराजुलले सोझै गोल गरेर बंगलादेशलाई सुरुवाती अग्रता दिलाएका थिए । त्यसपछि ५५ औं मिनेटमा मिराजुलले नै दोस्रो गोल गरे भने ७१ औं मिनेटमा रवि हुसेनले गोल गर्दै बंगलादेशलाई ३–० को अग्रता दिलाए।
नेपालका लागि सान्त्वना गोल समिर तामाङले ८१ औं मिनेटमा गरे । तर ९६ औं मिनेटमा बंगलादेशले नै फेरि अर्को गोल गर्दै ४–१ को नतिजामा जीत सुनिश्चित ग¥यो ।