वीरगन्ज,१०भदौंःश्रीकृष्ण जन्माष्टमी पर्वको अवसरमा वीरगन्जमा सोमबार श्रीमद् भागवत् कथा वाचन तथा कृष्ण लीला प्रदर्शन गरिएको छ ।आदर्शनगरस्थित टिबडेवाल धर्मशालामा माहील अग्रवाल परिवारको आयोजनामा श्रीमद् भागवत् कथा प्रवचन तथा कृष्ण लीला प्रदर्शन गरिएको हो ।
भारतको राजस्थानबाट आएका कलाकारहरुले झाँकी सहितको कृष्ण लीला प्रस्तुत गरेका थिए ।कृष्ण लीलामा माहिल परिवारका छोरा र बुहरीले रुक्मिणी र कृष्णको भूमिका खेलेका थिए ।पर्सा, बाराका साथै छिमेकी मुलुक भारतका समेत भक्तजनहरुको सहभागीता रहेको उक्त कार्यक्रममा भारतको प्रसिद्ध कथा वाचिका विष्णुप्रियाले श्रीमद् भागवत् कथा वाचन गरेकी थिइन् ।
श्रीकृष्ण जन्माष्टमी पर्वकै अवसरमा सोमबार वीरगन्जकै घडिअर्वा पोखरी स्थित प्रसिद्ध गीता मन्दिरमा मेला लागेको थियो ।