वीरगन्ज,६साउन:गुरु पुर्णिमाको अवसरमा आइतबार वीरगन्जका दुई स्थानमा वृक्षाराेपण गरिएको छ।
वीरगन्ज-१० अशोकवाटिका स्थित शीवपार्वती मठ छेउकाे समशानघाट र वीरगन्ज-२१ परवानीपुरकाे शमसानघाट परिसरमा वृक्षारोपण गरिएको हाे।
साहिब दरबार र ग्रनिसीटी सामुदायिक सेवा केन्द्रकाे समन्वय तथा वीरगन्ज महानगरपालिकाकाे आयाेजनामा दुवै स्थानमा गरी विभिन्न प्राजातिका १ सय २५ विरुवा राेपिएकाे हाे ।शीवपार्वती मट र शमसान घाट परिसरलाई हरियाली पार्कसहितको मनोरम बनाउन वृक्षारोपण गरिएको वीरगन्जज महानगरपालिकाका मेयर राजेश मान सिंहले बताए ।
वीरगन्ज-१० अशाेकवाटीकाकाे मठ र त्यससंगै रहेकाे शमसानघाटलाई महानगरपालिकाले स्तरोन्नती गर्दै परिसरलाई हरियाली बनाउन सौन्दर्यकरणको काम गरिरहेको छ ।
वृक्षारोपण गर्दै मेयर सिंहले खाली जग्गा तथा घर वरपर हरियाली बनाइ राख्नका लागि बोट विरुवा रोप्न सबैलाई आह्वान गरे ।
वृक्षाराेपण कार्यक्रममा वीरगन्ज-१० का वडाध्यक्ष सुशील कुमार कानु, वीरगन्ज-३ का वडाध्यक्ष बैजुलाल स्वर्णकार, शीवपार्वती मठ व्यवस्थापन समितिका अध्यक्ष प्रमानन्द साह कानु,साहिब दरबारका अध्यक्ष उमेशलाल सहनी,ग्रिनसिटी सामुदायिक सेवा केन्द्रका अध्यक्ष जयप्रकाश खेतान लगायतकोपनि सहभागीता थियाे।