काठमाडौं,१२असारः चिलीलाई पराजित गर्दै अर्जेन्टिना कोपा अमेरिका २०२४ को क्वाटर फाइनलमा प्रवेश गरेको छ ।बुधबार बिहान अमेरिकाको मेट लाइफ स्टेडियममा भएको खेलमा चिलीलाई १–० गोलले पराजित गर्दै अर्जेन्टिना क्वाटर फाइनलमा प्रवेश गरेको हो ।
खेलको ८८ औँ मिनेटमा लाउटारो मार्टिनेजले गरेको एकमात्र गोल निर्णायक बन्दा अर्जेन्टिना ग्रुप १ बाट अन्तिम ८ मा पुग्न सफल भयो । यही समूहमा रहेको क्यानडाले पेरुलाई पनि १–० गोल अन्तरले पराजित गरेको छ ।
जितसँगै पहिलो ३ अंक जोडेको क्यानडा दोस्रो स्थानमा रहेको छ ।पहिलो खेलमा अर्जेन्टिनासँग पराजित भएको क्यानडाले दोस्रो खेलमा जित निकालेपछि क्वार्टरफाइनलको सम्भावना यद्यपि कायमै राखेको छ ।