वीरगन्ज,२२जेष्ठःनेपाल पत्रकार महासंघको सदस्यता विवाद समाधान नभएसम्म पर्सामा पत्रकार महासंघको निर्वाचन हुन नदिने पर्सामा सकृय चार संघसंगठनले चेतावनी दिएका छन् ।
नेपाल प्रेस युनियन पर्सा, प्रेस चौतारी नेपाल पर्सा , समाजवादी प्रेस संगठन पर्सा र प्रेस मञ्च नेपालले मंगलबार एक संयुक्त विज्ञप्ति जारी गर्दै यस्तो चेतावनी दिएका हुन् । पत्रकार महासंघ केन्द्रिय कायसमितिले जिल्ला शाखा र प्रदेश शाखाले सिफारिस गरेको सदस्यताको नामावलीलाई लत्याएर चोर बाटोबाट सदस्यताको नामावली जारी गरेको आरोप उनिहरुले लगाएका छन् ।
केन्द्रिय कार्यसमितिले कुनै अमूक व्याक्ति र संस्थाको प्रभावमा परेर महासंघको विधान नै मिचेर सदस्यताको नाम थपघट गरेर जारी गरेको नामावली सुची नसच्याए सम्म पर्सा शाखाको निर्वाचनको कुनैपनि प्रकृया सुरु नगर्नपनि उनिहरुले आग्रह गरेका छन् । यदि नामावलली नसच्याई निर्वाचनको प्रकृया सुरु गरिएमा त्यसबाट सृजित हुने प्रतिकुल परिस्थितीको जिम्मेवार केन्द्रिय कार्यसमिति हुने चेतावनी उनिहरुले दिएका छन् ।
विज्ञप्तिमा नेपाल प्रेस युनियन पर्साका अध्यक्ष विजय चौहान, प्रेस चौतारी नेपाल पर्साका अध्यक्ष तुलसी भण्डारी, समाजवादी प्रेस संगठन पर्साका अध्यक्ष शम्भु सुमन र प्रेस मञ्च नेपालका केन्द्रिय उपाध्यक्ष वीरेन्द्र साह हिटलरले हस्ताक्षर गरेका छन् ।
