रौतहट,२१जेष्ठः रौतहटमा गरिब तथा विपन्नलाई घर बनाइदिने भनी रकम ठगी गर्ने गिरोहलाई प्रहरीले पक्राउ गरेको छ।
पक्राउ पर्नेमा रौतहटको माधवनारायण नगरपालिका–७ लौकाहाका ५२ वर्षीय रामनाथ माझी, ३२ वर्षीय प्रकाश माझी, गरुडा नगरपालिका–६ पोठियाहीका ४० वर्षीय राकेश महरा, गरुडा नगरपालिका–९ गेडिगुठीका २५ वर्षीय सिकिन्द्र ठाकुर लोहार, गरुडा नगरपालिका–५ शिवनगरका ७१ वर्षीय मुगलाल महरा, गरुडा नगरपालिका–९ का ४५ वर्षीया रामकली देवी रहेका प्रहरीले जनाएको छ।
रौतहटको माधवनारायण–८ रजवडा टोलका विपन्नहरुलाई मधेस प्रदेशको शहरी विकास मन्त्रालयले गरिब तथा विपन्न वर्गका परिवारलाई आवास बनाइदिने कार्यादेश प्राप्त भएको छ भनी विभिन्न लोभ देखाइ प्रति घर १० हजारदेखि ४० हजारसम्म खर्च लाग्छ भनी एक सयभन्दा बढी मानिसहरुबाट उनिहरुले रकम उठाएको प्रहरीले जनाएको छ ।