काठमाडौं,१५जेष्ठःउपप्रधान एवं गृहमन्त्री रवि लामिछानेले महिला ट्राफिक प्रहरीलाई महिनावारीका ४ दिन सडकमा ड्युटी नखटाउने घोषणा गरेका छन् ।
गणतन्त्र दिवसको अवसरमा सोमबार सामाजिक सञ्जाल फेसबुक मार्फत गृहमन्त्री लामिछानेले उक्त घोषणा गरेका हुन् ।
फेसबुक पेजमा उनले लेखेका छन् –‘अबदेखि महिला ट्राफिक प्रहरीहरूले महिनावारिका ४ दिन सडकमा ड्युटी गर्नु पर्दैन । महिला ट्राफिक महिनावारी भएर ड्युटीमा नखटिँदा उनीहरूको साटो मादक पदार्थ सेवन लगायत ट्राफिक नियमको उल्लंघन गर्नेहरूले स्वयं सेवकको रूपमा सडकमा सघाउनुपर्नेछ ।