काठमाडौं,१९चैत:भारतमा जारी इन्डियन प्रिमियर लिग(आईपीएल) क्रिकेटमा राजस्थान रोयल्सले मुम्बई इन्डियन्सलाई पराजित गरेर लगातार तेस्रो जीत हात पारेको छ ।
मुम्बईकाे वानखडे क्रिकेट स्टेडियममा साेमबारराति भएको खेलमा राजस्थानले मुम्बईलाई ६ विकेटले हराएको हाे।
मुम्बईले दिएको १ सय २६ रनको लक्ष्य राजस्थानले १५.३ ओभरमा ४ विकेट गुमाएर पूरा गर्यो ।
राजस्थानका लागि रियान परागले ३९ बलमा ५ चौका र ३ छक्काको मदतमा ५४ रन बनाए । रविचन्द्रन आश्विनले १६ बलमा १ चौकाको सहयोगमा १६ रन बनाए ।जोस बटलरले १६ बलमा १३ तथा कप्तान सन्जस सामसनले १० बलमा १२ रन बनाए ।
मुम्बईका लागि आकाश मठवालले ३ तथा कउइना मफाकाले १ विकेट लिए ।
त्यसअघि टस हारेर पहिले ब्याटिङ गरेको मुम्बईले निर्धारित २० ओभरमा ९ विकेट गुमाएर १ सय २५ रनमात्र बनाएको थियो ।
मुम्बईका लागि कप्तान हार्दिक पान्ड्याले २१ बलमा ६ चौकाको सहयोगमा ३४ रन बनाए । तिलक बर्माले २९ बलमा २ छक्काको सहयोगमा ३२ रन बनाए ।टिम डेबिडले २४ बलमा १ चौकाको सहयोगमा १७ रन बनाए । ओपनर इशान किशनले १४ बलमा २ चौका र १ छक्काको सहयोगमा १६ रन बनाए । अन्य खेलाडीले दोहोरो अंकमा रन बनाउँन सकेनन् ।
राजस्थानका लागि ट्रेन्ट बोल्ड र युजभेन्द्र चहलले समान ३ तथा नान्र्दे बर्गरले २ विकेट लिए ।
लगातार तेस्रो जितका साथ राजस्थान शीर्ष स्थानमा उक्लिएको छ । तेस्रो हार व्यहोरेको मुम्बई अंक तालिकाको पुछारमा कायमै छ ।