वीरगन्ज,५चैत:वीरगन्जबाट प्रहरीले हुण्डीको कारोबारामा संलग्न रहेको आरोपमा एक व्याक्तिलाई करिब ७ लाख रुपैयाँ र विभिन्न बैंकका चेक बुकसहित पक्राउ गरेको छ ।
पक्राउ पर्नेमा धनुषाको गणेशमान चारनाथ नगरपालिका वडा नम्बर ६ स्थायी घर भई हाल वीरगन्ज महानगरपालिका वडा नम्बर १६ मा बस्दै आएका ५० बर्षिय रामबाबु कलवार रहेका छन् । उनको साथबाट श्रोत खुल्न नसकेको ६ लाख ८२ हजार नेपाली रुपैयाँ बरामद पनि गरिएको पर्साका प्रहरी नायब उपरीक्षक कुमार विक्रम थापाले जानकाारी दिए ।
थपाका अनुसार, विशेष सूचनाको आधारमा आइतबार दिउँसो खटिएको प्रहरी टोलीले वीरगन्ज–१६ दुर्गाहल पछाडिको बाटोमा शंकास्पद रूपमा हिँडिरहेका कलवारलाई रोकेर उनको शरिर खानतलासी गरेको थियाोे । त्यसक्रममा कलवारले बोकेको झोलाबाट नेपाली हजार र पाँच सय दरको नोट गरी ६ लाख ८२ हजार रुपैयाँ र नेपालमा प्रतिबन्धित भारु पाँच सय दरको ५६ थान नोटपनि बरामद भएको थापाले बताए ।यस्तै कलवारको साथबाट कृषि विकास बैंक,सानिमा बैंक, माछापुछ«े बैक, लक्ष्मी बैंक,मुक्तिनाथ विकास बैंक,ग्लोबल बैंक,प्राइम बैंक र मेघा बैंकको गरी १९ थान चेकबुकपनि बरामद गरिएको जानकारी थापाले दिए ।
पक्राउ परेका कलवारलाई प्रहरी हिरासतमा राखेर उनिविरुद्ध बैंक तथा वित्तीय संस्था सम्बन्धी ऐन २०७३ बिरूद्वको कसूरमा थप अनुसन्धान कार्य भइरहेको थापाले बताए ।