बारा,२९माघ:बारामा जंगली हात्तीको आक्रमणबाट एकजनाको मृत्यु भएको छ।मृत्यु हुनेमा कोल्हबी नगरपालिका वाड नम्बर ९ अडेम्बा बिर्ता घर भएका ५५ वर्षिय पारस खाँ थारु रहेकोे प्रहरीले जनाएको छ।
आईतबार पाडा किन्न टाङ्गियाबस्ती गएर साँझ घर फर्किने क्रममा टाङ्गियाबस्ती र सखुअवा टोलको बिचमा पर्ने जंगलमा थारुलाई हात्तीले आक्रमण गरेको र उनकाे घटनास्थलमै मृत्यु भएकाे प्रहरीले जनाएको छ।
मृतक थारुकाे शव पाेष्टमार्टमका लागि कलैयास्थित प्रादेशिक अस्पतालमा राखिएको बाराका प्रहरी नायब उपरीक्षक दधिराम न्याैपानेले जानकारी दिए।