वीरगन्ज,३०कार्तिकः जसपा छाडेर नेकपा एमाले प्रवेश गर्ने तयारीमा रहेका पूर्व सांसद हरिनारायण रौनियारले देशलाई समृद्ध बनाउदै विकासमा अगाडि बढाउने स्पष्ट दृष्किोट(भिजन) एमाले अध्यक्ष केपी ओलीमा मात्रै बताएका छन् । देश र जनताको समृद्धिका लागि सापेक्ष दृष्टिकोण एमाले अध्यक्ष ओलीसँगमात्रै देखिएका कारणले नै आपफु एमालेमा प्रवेश गर्न लागेको उनले बताएका छन् ।
सञ्चारकर्मीहरुसंगको कुराकानीमा रौनियारले आफू पर्सा क्षेत्र नबर ३ बाट प्रतिनिधिसभामा निर्वाचित हुँदा षड्यन्त्रको शिकार बनाएर काम गर्न नदिइएको गुनासोपनि गरे ।उनले भने, ‘म प्रतिनिधिसभामा चुनिएको थिएँ । यहाँका मतदाताले मलाई विश्वास गरेर त्यो स्थानमा पु¥याउनुभएको थियो । तर, अनेक राजनीतिक षड्यन्त्रको चक्रब्युहमा पारेर मलाई जनताको सेवा गर्ने अवसरबाट वञ्चित गर्न खोजियो । षड्यन्त्रको शिकार बनाइयो । तर पनि मैले आफ्नो पहल र प्रयासमा यो क्षेत्रको विकासका लागि गरेका प्रयासहरु र त्यसका परिणामहरु यहाँहरूको सामुन्ने नै छ ।’
जनताका प्रतिनिधिहरु आवद्ध राजनीतिक दलको शीर्ष नेतृत्व व्यक्तिकेन्द्रित र निहीत लाभमा लिप्त हुँदासम्म जनहितका काम हुन नसक्ने दाबी उनले गरे । उनले थपे ‘मूल नेतृत्व नै व्यक्तिकेन्द्रित स्वार्थमा डुबेको छ, त्यसबाट देश र जनताको भलो कदापि हुन सक्दैन । देशको विकास, जनताको समृद्धि र सुखका लागि यस्तो नेतृत्व चाहिन्छ, जसमा स्पष्ट दृष्टिकोण र सापेक्ष अडान होओेस, त्यस्तो नेता एकमात्र केपी ओली हुनुहुन्छ । उहाँको नेतृत्वबाट मात्रै हामीले चाहेको विकास र समृद्धिको अभियान सफल हुन सम्भव छ । यो अभियानमा तपाई हामी सबैको साथ समर्थन, सहयोग र सहभागिता चाहिन्छ भन्ने निष्कर्षमा म पुगेको छु ।’
केपी ओलीको विकासको सपना, दृष्टिकोण, र योजनाहरुबाट सुतेर सपना देख्नेहरु अत्तालिएको उनको दाबी छ । ‘काम नगर्ने, कुरामात्र गर्ने र निदाएर सपना देख्नेहरु ओलीका योजना र दृष्टिकोणलाई कसरी असफल पार्न सकिन्छ भनेर उडाउने, षड्यन्त्र गर्ने काममा समय बर्बाद गर्छन् । आफ्नोमात्र होइन, देशको, तपाई हाम्रो समय र स्रोत बर्बाद पार्छन । यही आचरणका कारण अहिले देश आर्थिक रुपमा टाट पल्टिने अवस्थामा पुगिसकेको छ । तर, यो अब चल्दैन,’ उनले भने ।